Меню навигации+

Студенттер арасында конституциялык адилет сот боюнча биринчи конкурс-окуу соту болуп ѳттү

01.06.2017

IMG_2394

Бүгүн Борбордук Азиядагы Америка университетинде «Адилет-2017» конституциялык адилет сот боюнча биринчи республикалык окуу соту болду. Иш чарага Борбордук Азиядагы Америка университетинен, Кыргыз-Россия Славян университетинен, Ж.Баласагын атындагы Кыргыз Улуттук университетинин юридикалык факультетинен, «Ататүрк Ала-Тоо» эл аралык университетинен, ИИМ Академиясынан, Укук, финансы жана бизнес эл аралык академиясынан командалар катышты.

 

Конкурс “Moot court” конституциялык соттук процесс оюн формасында өткөрүлдү, ал чет өлкөдө юристтерди практикалык даярдоонун эң кеңири жайылтылган жана ийгиликтүү усулдардын бири болуп саналат, ал өзүнө талкуу элементтерди камтыган соттук процессти оюн формасында чагылдырат.

 

Конкурстун негизги максаты болуп Кыргызстанда конституционализм, укуктук мамлекеттин жана укук үстөмдүгүнүн принциптерин бекемдөө жана жайылтуу саналат. Бул конкурс юрист-студенттер үчүн өзүнүн теориялык билимдерин пайдаланууга, практикалык көндүмдөрдү алууга жана конституциялык сот өндүрүшү жаатында билимдер деңгээлин жогорулатууга реалдуу мүмкүнчүлүк болгон.

 

Ошентип, конкурска көрсөтүлгөн ЖОЖдордон 14 команда катышкан, ар бир командада 2ден студент болгон. Алдын ала берилген фабула боюнча конституциялык сот өндүрүштө 7 команда кайрылуучу тараптын атынан, 7 команда жоопкер тараптын атынан чыккан. Студенттер оозеки чыгып сүйлөгөн учурда чечендик өнөрлөрүн, укук билимдерин, фактыларды пайдалануу жөндөмдүүлүктѳрүн көрсөтүштү. Катышуучуларга Кыргыз Республикасынын Жогорку сотунун Конституциялык палатасынын судьялары жана анын аппарат кызматкерлери баа берип турушту.

 

Конкурстун жыйынтыгы боюнча 1-орунду Борбордук Азиядагы Америка университети, 2-орунду Ж.Баласагын атындагы Кыргыз улуттук университеттери ээлешти. Командалар баалуу сыйлыктар менен сыйланышты, жеңүүчүлөр – «Адилет» атайын кубогуна ээ болушту.

 

Иш чараны Борбордук Азиядагы Америка университетинин юридикалык факультети Конституциялык палата жана Кыргыз Республикасында соттук тутумуду бекемдөө боюнча USAID/IDLO программасы менен өнөктөштүктө өткөрдү.