Меню навигации+

Жаңылыктар

23.04.2018

Кыргыз Республикасынын Жогорку сотунун Конституциялык палатасына 2017-жылдын 14-декабрында М.А. Шариповдун Кыргыз Республикасынын Жазык-процесстик кодексинин 2-статьясынын 2-бөлүгүнүн экинчи сүйлөмүн, 45-статьясынын 3-бөлүгүнүн биринчи сүйлөмүн Кыргыз Республикасынын Конституциясынын 24-беренесинин 5-бөлүгүнө, 40-беренесинин 3-бөлүгүнө карама-каршы келет деп таануу жөнүндө өтүнүчү келип түшкөн. Ошол эле күнү Мелис уулу Д. кызыкчылыгын көздөгөн М.Т. Иманкуловдун өңчөй өтүнүчү келип түшкөн.

 

Continue reading “Конституциялык палатанын судьялар коллегиясынын 2018-жылдын 19-январындагы № 2 аныктамасына Мухтар Абдуллаевич Шариповдун, Конституциялык палатанын судьялар коллегиясынын 2018-жылдын 22-январындагы № 3 аныктамасына Мелис уулу Дастандын кызыкчылыктарын көздөгөн Мелес Токтаалиевич Иманкуловдун даттанууларын кароо жөнүндө пресс-релиз” »

19.04.2018
1443689.1.1524114321

Бүгүн 19-апрель күнү Бишкекте Кыргыз Республикасынын Конституциясынын 25 жылдыгына арналган «Конституциянын үстөмдүгү жана анын түздөн-түз колдонулушу: Конституциянын укуктук корголушун камсыз кылуу маселелери» аттуу эл аралык конференция өтүүдө. Конференция Кыргыз Республикасынын Жогорку сотунун Конституциялык палатасы тарабынан «Кыргыз Республикасында укук үстөмдүгүн бекемдөөгө көмөктөшүү» Европа Союзунун долбоорунун колдоосу менен уюштурулган.

 

Continue reading “Бишкекте Кыргыз Республикасынын Конституциясынын 25 жылдыгына арналган эл аралык конференция өтүүдө” »

04.04.2018

Конституциялык палата 2018-жылдын 4-апрелинде Кыргыз Республикасынын Жарандык процесстик кодексинин соттун өзүнүн демилгеси боюнча же ишке катышуучу жактардын арызы боюнча, чечимде кетирилген туура эмес жазууларды жана арифметикалык айкын каталарды оңдоо укугун караштырган 206-беренесинин 2-бѳлүгүнүн ченемдик жобосунун конституциялуулугун текшерүү жѳнүндѳ ишти карап чыкты жана талашылып жаткан ченемдин Кыргыз Республикасынын Конституциясынын 20-беренесинин 5-бѳлүгүнүн 8-пунктуна, 40-беренесинин 1-бѳлүгүнѳ жана 96-беренесинин 3-бѳлүгүнѳ карама-каршы келбестиги тууралуу чечим кабыл алды.

 

Continue reading “Жарандык процесстик кодекстин 206-беренесинин 2-бѳлүгүнүн ченемдик жобосунун конституциялуулугун текшерүү жѳнүндѳ иш боюнча пресс-релиз” »

26.03.2018
12

 

Конституциялык палатанын Аппаратынын кызматкерлери 24-мартта Конституциялык палатанын имаратына жакын жерлердин санитардык жана эпидемиологиялык  абалын жакшыртуу максатында ишембиликке  чыгышты. Иш-чара «Таза жашоо» үч айлык улуттук кампаниянын алкагында болуп ѳттү.

 

Ишембилик учурунда кызматкерлер   Конституциялык палатанын имаратынын айланасындагы жолдорду жана арыктарды тазалап, таштандыларды чыгарышты.

19.03.2018

Конституциялык палата Кыргыз Республикасында сот тутумун бекемдѳѳ боюнча ЮСАИД жана IDLO Программасынын техникалык колдоосу менен «Улуттук мыйзамдар тутумунда Конституциянын орду жана ролу» темасында студенттер арасында сынак жарыялайт.

 

Сынак Кыргыз Республикасынын Конституциясынын 25-жылдыгына карата арналып, мамлекеттин Баш мыйзамынын улуттук мыйзамдардын системасындагы ролун жана маанисин ачуучу эң жакшы эссе жана видеороликтерди аныктоо максатында ѳткѳрүлѳт.

 

Конкурска ким катыша алат?

Республиканын бардык жогорку окуу жайларынын студенттери.

 

Конкурстук материалдарга болгон талаптар

Конкурстук материалдар мамлекеттик же расмий тилде берилиши мүмкүн.

Эссе 3 барактан, видеоматериал - 10 мүнѳѳттѳн ашпашы керек.

Бир автордон материалдардын саны чектелбейт.

Сынак материлдары кайра кайтарылбайт жана рецензияланбайт. Автордук материалдарды сынакка берүү уюштуруучулар тарабынан аларды жарыялоого уруксат катары кабыл алынат.

Табыштама формасын толтуруу керек.

Сынакка катышуу үчүн сынак материалынын түп нускасынын автору катары катышуучуну тастыктаган табыштама* формасын толтуруу керек.

 

Материалдар кандай түрдѳ берилет?

- видеоматериалдар видео же файлдык хостингге жүктөлүшү керек (youtube, namba), уюштуруучуларга электрондук почта боюнча аларга шилтемдер жана автор жѳнүндѳ маалымат жиберилет;

- эссе электронндук же кагаз түрүндѳ берилиши мүмкүн.

 

Материалдарды баалоо критерийлери

- жаңыча жана инновациялык мамиле;

- теманы ачуу деңгээли;

- так жана логикалык баяндоо;

- мазмундуу жана оригиналдуу ойлор;

- креативдүүлүк.

Эссе жана видеороликтер курамы Конституциялык палатанын судьяларынан жана аппаратынын кызматкерлеринен турган сынак комиссиясы тарабынан бааланышат.

 

14.03.2018
12-1

13-мартта Бишкек шаарында судьялардын жана сот органдардын пресс-катчыларынын катышуусунда сот органдардын ММК менен өз ара иштешүү боюнча семинары болуп өттү. Семинарга Конституциялык палатанын пресс-катчысы катышты.

Семинардын жүрүшүндѳ Германиянын Хемниц шаарынын аймактык сотунун кылмыш–жаза иштери боюнча коллегиясында тѳрагалык кылган судья, мурда судья-пресс-катчы болуп иштеген Томас Мродзински мырза аталган маселе боюнча ѳз тажрыйбасы менен бѳлүштү.

Мындан тышкары журналист Кубат Чекиров жана Алмас Турдумамбетов Кыргызстанда сот органдар менен ММКлардын өз ара иштешүүсүндѳгү кѳйгѳйлѳрдү айтып беришти. Катышуучулардын бардыгы сот органдар менен ММКлардын ортосундагы мамилени чындоо керектигин белгилешти.

Семинар Эл аралык кызматташтык боюнча германия коому (GIZ) тарабынан жүзөгө ашырылып жаткан «Кыргыз Республикасында мыйзам үстөмдүгүн бекемеделишине көмөк көрсөтүү» Европа Союзунун Долбоорунун колдоосу менен уюштурулган.

13-мартта Бишкек шаарында судьялардын жана сот органдардын пресс-катчыларынын катышуусунда сот органдардын ММК менен өз ара иштешүү боюнча семинары болуп өттү. Семинарга Конституциялык палатанын пресс-катчысы катышты.

 

Continue reading “Бишкекте сот органдардын ММК менен өз ара иштешүү маселеси талкууланды” »

02.03.2018

 

 М. Аскарбековдун Кыргыз Республикасынын Жогорку сотунун Конституциялык палатасына кайрылуусу туурасында 2018-жылдын 15-февралында адвокат К.А. Джайлоевден Кыргыз Республикасынын Жазык-процесстик кодексинин 73-статьясынын 4-бөлүгүн, 255-статьясын, 288-статьясынын 2-бөлүгүн, 291-статьясынын 4-бөлүгүн, 296-статьясынын 2-бөлүгүн, 339-статьясынын 2-бөлүгүн Кыргыз Республикасынын Конституцисынын 20-беренесинин 5-бөлүгүнүн 8-пунктуна жана 40-беренесине карама-каршы келет деп таануу жөнүндө өтүнүч келип түшкөн.

 

Continue reading “М. Аскарбековдун Конституциялык палатага кайрылуусу туурасында” »

27.02.2018
2017-жылдын 9-ноябрында жаран А.Ш. Сулуевдин кызыкчылыгында М.А. Абдыраевдин Кыргыз Республикасынын Жазык-процесстик кодексинин соттордун өкүмдөрүн, аныктамаларын, токтомдорун кайра кароо маселелерин, көзөмөл даттанууларды жана сунуштамаларды киргизүү тартибин, ошондой эле Кыргыз Республикасынын Жогорку сотунун жазык иштер жана административдик иштер боюнча соттук коллегия тарабынан жаңы чечимди кабыл алуу тартибин регламенттеген 376-беренесин, 377-берененин 1-бөлүгүн, 383-1-беренесинин 1-бөлүгүн Кыргыз Республикасынын Конституциясынын 27-беренесинин 3-бөлүгүнө карамаөкаршы келет деп таануу жөнүндө өтүнүчү келип түшкөн. Конституциялык палатанын судьялар коллегиясы 2017-жылдын 18-декабрында өтүнүчтү өндүрүшкө кабыл алуудан баш тартуу жөнүндө аныктама чыгарган. А.Ш. Сулуевдин кызыкчылыгында М.А. Абдыраев жогоруда көрсөтүлгөн аныктама менен макул болбостон, 2018-жылдын 21-январында даттануу менен Конституциялык палатага кайрылган. Конституциялык палата 2018-жылдын 27-февралында даттанууну карап чыгып, аны канааттандыруусуз калтырган. Конституциялык палата өзүнүн токтомунда кайрылуунун мазмунунан жана судьялар коллегиясынын аныктамасына болгон даттануудан келип чыкканда, арыздануучу талашылып жаткан ченемдер бир эл укук бузгандык үчүн эч ким кайра юридикалык жоопкерчиликке тартпоого тийиш деген конституциялык тыюу салууга карама-каршы келет деп белгилейт. Бирок, Кыргыз Республикасынын Жазык-процесстик кодексинин соттордун өкүмдөрүн, аныктамаларын, токтомдорун кайра кароо маселелерин, көзөмөл даттанууларды жана сунуштамаларды киргизүү тартибин, ошондой эле Кыргыз Республикасынын Жогорку сотунун жазык иштер жана административдик иштер боюнча соттук коллегия тарабынан жаңы чечимди кабыл алуу тартибин караган 376-беренеси, 377-беренесинин 1-бөлүгү, 383-1-беренесинин 1-бөлүгү бир эл укук бузгандык үчүн кимдир бирөөнү кайра юридикалык жоопкерчиликке тартуу мүмкүндүгүнө жол берген укуктук жоболорду камтыбайт. Кыргыз Республикасынын Жогорку сотунун Конституциялык палатасы арыздануучунун жүйөлөрүндө талашылып жатка...
14.02.2018

Конституциялык палата 2018-жылдын 14-февралында «Кыргыз Республикасынын Адвокатурасы жана адвокаттык иш жѳнүндѳ» Кыргыз Республикасынын Мыйзамынын укук коргоо органдарынын тергөө бөлүмдөрүндө, судья катары, Президенттин, Жогорку Кеңештин, Өкмөттүн Аппараттарынын бөлүмдөрүндө жогорку юридикалык билимдин болушун талап кылган кызмат орундарында, Жогорку Кеңештин жогорку юридикалык билими бар депутаты катары беш жылдык иш стажысы бар адамдарды адвокаттык иш жүргүзүү укугуна лицензия алуу үчүн квалификациялык сынактан ѳтүүдѳн бошотууну караштырган 19-беренесинин 4-бѳлүгүнүн 1-4-пункттарынын конституциялуулугун текшерүү жѳнүндѳ ишти карап чыгып, талашылып жаткан ченемдердин Конституциянын 16-беренесинин 3-бѳлүгүнѳ карама-каршы келүүсү жѳнүндѳ чечим чыгарды.

 

Continue reading “«Кыргыз Республикасынын Адвокатурасы жана адвокаттык иш жѳнүндѳ» КР Мыйзамынын 19-беренесинин 4-бѳлүгүнүн 1-4-пункттарынын конституциялуулугун текшерүү жѳнүндѳ иш боюнча пресс-релиз” »

29.01.2018

2017-жылдын 8-ноябрында Конституциялык палатага Д. Мамасалиевдин кызыкчылыгында В.Р. Федоровдун Кыргыз Республикасынын Жазык кодексинин 221-беренеси Кыргыз Республикасынын Конституциясынын 20-беренесинин 1-бөлүгүнө, 4-бөлүгүнүн 5-пунктуна, 28-беренесинин 2-бөлүгүнө карама-каршы келет деп таануу жөнүндө өтүнүчү келип түшкөн.

 

Конституциялык палатанын судьялар коллегиясы 2017-жылдын 15-декабрында өтүнүчтү өндүрүшкө кабыл алуудан баш тартуу жөнүндө аныктама чыгарган.

 

Continue reading “Конституциялык палатанын судьялар коллегиясынын 2017-жылдын 15-декабрындагы аныктамасына Д. Мамасалиевдин кызыкчылыгында В.Р. Федоровдун даттануусун кароо жөнүндө иш боюнча пресс-релиз” »

24.01.2018

Конституциялык палата 2018-жылдын 24-январында Кыргыз Республикасынын Жарандык процесстик кодексинин арыздарды, аппеляциялык жана кассациялык даттанууларды берүүдө мамлекеттик алымды төлөө милдеттүүлүгү, ошондой эле берилген арыздарды, аппеляциялык жана кассациялык даттанууларды мамлекеттик алымдын төлөнгөндүгү туурасында далили болбогон учурда аларды кайтарып берүү бөлүгүндөгү 102-беренесинин 1-бөлүгүнүн, 135-беренесинин 2-пунктунун, 138-беренесинин 1-бөлүгүнүн 7-пунктунун, 249-беренесинин 1-бөлүгүнүн биринчи жана жетинчи абзацтарынын, 325-беренесинин 5-бөлүгүнүн, 329-беренесинин 1-бөлүгүнүн 4-пунктунун, 354-беренесинин 5-бөлүгүнүн, 357-беренесинин 1-бөлүгүнүн 5-пунктунун конституциялуулугун текшерүү жөнүндө ишти ачык соттук отурумда карап чыкты.

 

Конституциялык палата өзүнүн чечимдерин кийинкидей тыянактар менен негиздеп берди.

 

Continue reading “Жарандык процесстик кодекстин 102-беренесинин 1-бөлүгүнүн, 135-беренесинин 2-пунктунун, 138-беренесинин 1-бөлүгүнүн 7-пунктунун, 249-беренесинин 1-бөлүгүнүн биринчи жана жетинчи абзацтарынын, 325-беренесинин 5-бөлүгүнүн, 329-беренесинин 1-бөлүгүнүн 4-пунктунун, 354-беренесинин 5-бөлүгүнүн, 357-беренесинин 1-бөлүгүнүн 5-пунктунун конституциялуулугун текшерүү жөнүндө иш боюнча пресс-релиз” »

18.01.2018
IMG_7742

Учурдагы жылдын 17-январында Конституциялык палатада Конституциялык палатанын 2017-жыл ичинде ишмерликтин жыйынтыктарын чыгаруу боюнча судьялардын жана Аппарат кызматкерлеринин жылдык жыйыны болуп өттү.

 

Конституциялык палатанын төрагасы Эркинбек Мамыров жыйынды ачып жатып, отчеттук жыл ичинде көп иш аткарылганын жана Кыргызстанда конституциялык мыйзамдуулукту бекемдөө жагында маанилүү кадамдар жасалды деп белгиледи. 2017-жылы Конституциялык палатанын чечимдерин жүзөгө ашыруу механизмдерин өркүндөтүү максатында Конституциялык палата жөнүндө конституциялык Мыйзамга конституциялык контролдоо органдарынын чечимдерин Өкмөт жана башка мамлекеттик бийлик органдары тарабынан аткаруу мөөнөттөрүн белгилеген өзгөрүүлөр киргизилди, биринчи жолу, өлкөдөгү конституциялык мыйзамдуулуктун абалы жөнүндө маалыматты даярдоо боюнча жумуштар башталды, Конституциялык палатанын Аппараты кайра уюштурулду, анын түзүмү оптималдаштырылды.

 

Continue reading “Конституциялык палата 2017-жыл ичинде ишмерликтин жыйынтактарын чыгарды” »

11.01.2018

2017-жылдын 28-сентябрында Конституциялык палатага жарандар Р.Р. Карасартованын, Омуркул уулу У., Б.Р. Жалгашевдин, У.А. Абдыкаимовдун экстремисттик материалдарды сатып алуу, даярдоо, сактоо, таратуу, ташуу жана жиберүү, ошондой эле экстремисттик же террорчулук уюмдардын символдорун же атрибуттарын атайылап пайдалануу, анын ичинде көрсөтүү үчүн жазык жоопкерчилигин караган жазык кодексинин 299-2-беренесинин 1-бөлүгүнүн биринчи абзацына тактоолорду киргизген «Кыргыз Республикасынын Жазык кодексине өзгөртүүлөрдү жана толуктоолорду киргизүү жөнүндө» 2013-жылдын 3-августундагы № 180 Мыйзамдын 1-беренесинин 9-бөлүгүн Кыргыз Республикасынын Конституциясынын 16-беренесинин 2-бөлүгүнүн экинчи абзацына, 20-беренесинин 1-, 2-бөлүктөрүнө, 20-беренесинин 5-бөлүгүнүн 4-, 5-пункттарына, 32-беренесинин 1-бөлүгүнө, 33-беренесинин 1-бөлүгүнө карама-каршы келет деп таануу жөнүндө өтүнүчү келип түшкөн.

 

Конституциялык палатанын судьялар коллегиясы 2017-жылдын 2-ноябрында өтүнүчтү өндүрүшкө кабыл алуудан баш тартуу жөнүндө аныктама чыгарган.

 

Continue reading “Конституциялык палатанын судьялар коллегиясынын 2017-жылдын 2-ноябрындагы аныктамасына жарандар Р.Р. Карасартованын, Омуркул уулу У., Б.Р. Жалгашевдин, У.А. Абдыкаимовдун даттануусун кароо жөнүндө иш боюнча пресс-релиз” »

30.12.2017
34485_w654_h402_resize

Кыргыз Республикасынын Президенти Сооронбай Жээнбеков Конституциялык палатанын төрагасы Эркинбек Мамыровду кабыл алды.

 

Жолугушуунун жүрүшүндө  Президент Сооронбай Жээнбеков менен Конституциялык палатанын төрагасы Эркинбек Мамыров адам укуктарын жана эркиндигин коргоодо, укуктук мамлекет орнотууда, өлкөдө мыйзамдуулуктун үстөмдүгүн камсыздоону күчөтүү ишинде Конституциялык палатанын  ролу жана ишмердүүлүгү боюнча пикир алмашышты.

Continue reading “Президент Конституциялык палатанын төрагасын кабыл алды” »

14.12.2017
IMG_7053
11.12.2017
image1 (4)

Учурдагы жылдын 8-9-декабрында Венецияда Укук аркылуу демократияга Европа комиссиясынын (Венеция комиссиясы) 113-Пленардык отуруму болду. Конституциялык палатанын Төрагасы Эркинбек Мамыров Пленардык сессиянын ишине катышты.

 

Continue reading “Венеция комиссиясынын 113-Пленардык сессиясы болду” »

06.12.2017

«Агрохимсервисцентр» ЖАКтын директору Н. Маматжановдун Кыргыз Республикасынын Салык кодексинин 149-беренесинин 7-бөлүгүн Конституциянын 16-беренесинин 3-бөлүгүнө, 99-беренесинин 3-бөлүгүнө карама-каршы келүүсү жөнүндөгү өтүнүчү 2017-жылдын 23-майында келип түшкөн. Конституциялык палатанын судьялар коллегиясы 2017-жылдын 23-июнунда кайрылууну өндүрүшкө кабыл алуудан баш тартуу жөнүндө аныктама кабыл алышкан.

 

«Агрохимсервисцентр» ЖАКтын директору Н. Маматжанов жогоруда көрсөтүлгөн даттануу менен макул болбостон, 2017-жылдын 13-ноябрында даттануу менен Конституциялык палатага кайрылган.

 

Continue reading “«Агрохимсервисцентр» ЖАКтын Конституциялык палатанын судьялар коллегиясынын 2017-жылдын 23-июнундагы аныктамасына даттануусун кароо жөнүндөгү иш боюнча пресс-релиз” »